படித்ததில் பிடித்தது !

உன் தெத்து பல்லும்
மெத்து கன்னமும்
என்னை மொத்தமாய்
தத்து எடுத்தது ..
செல்லமே ...!
--
உன் தத்து மொழியும்
குவியும் விழியும்
ஒராயிரம் அர்த்தம்
பொழியும் ..
அதை புரிய ஒரு
விளக்க உரை யாரரியார்..!

பேரழகு !

 எந்த தேசத்தில் தேசத்தில் நீ பிறந்தாய்
அட இத்தனை பேரழகா !
எந்தன் சுவாசத்தில் சுவாசத்தில் நீ கலந்தாய்
அட நீ இன்றி நான் அழகா !
--
ஏதோ ஒரு மாற்றம் மாற்றம் என்னில் என்னில் !
ஏனோ எடை ஏற்றம் ஏற்றம் இதயம் தன்னில் !
நீ கால் முளைத்த புஷ்பம் !
கடல் நுரையில் செய்த சிற்பம் !
உன் முன்பு வந்து நின்றால்
அந்த சொர்க்கம் கூட அற்பம் !
--
எந்த தேசத்தில் தேசத்தில் நீ பிறந்தாய்
அட இத்தனை பேரழகா !
—
வண்ண வண்ண பூவெல்லாம் வாசம் வீசி பூ பூக்கும்
உன்னை போல ஒன்றுக்கும் வாசம் வீச தெரியாதே !
கோடி கோடி வார்த்தைகள் கோர்த்து கொண்டு வந்தாலும்
நீ சினுங்கும் ஓசை போல் அர்த்தம் எதிலும் கிடையாதே !
ஓ… அழகே நீ வாய் பேச
கீதம் என்றேனே சங்கீதம் என்றேனே !
பேசாத மௌனத்தை கவிதை என்பேனே !
புது கவிதை என்பேனே !
கடல் ஓரம் நீயும் வந்தால்
புயல் வந்ததென்று அர்த்தம் !
நீ என்னை நீங்கி சென்றால்
உயிர் நின்றதென்று அர்த்தம் !
—
எந்த தேசத்தில் தேசத்தில் நீ பிறந்தாய்
அட இத்தனை பேரழகா !
—
உந்தன் கண்கள் ஓரத்தில் தீட்டி வைத்த மை தந்தால்
ஐந்து அல்ல ஐநூறு காப்பியங்கள் உண்டாகும் !
உந்தன் கூந்தல் ஈரத்தை தொட்டு போன காற்றை தான்
கொஞ்ச நேரம் சுவாசித்தால் எந்தன் வாழ்வின் வரமாகும் !
ஓ… அன்பே உன் இதழை தான் சிறைகள் என்பேனே !
கனி சிறைகள் என்பேனே !
மெலிதான இடையை தான் பிறைகள் என்பேனே !
தேய் பிறைகள் என்பேனே !
அடி அன்னபறவை ஒன்று
அன்று வாழ்ந்ததாக கேட்டேன் !
நான் கேட்ட அந்த ஒன்றை
இன்று கண்களாலே பார்த்தேன் !
—
எந்த தேசத்தில் தேசத்தில் நீ பிறந்தாய்
அட இத்தனை பேரழகா !
எந்தன் சுவாசத்தில் சுவாசத்தில் நீ கலந்தாய்
அட நீ இன்றி நான் அழகா !
--
ஏதோ ஒரு மாற்றம் மாற்றம் என்னில் என்னில் !
ஏனோ எடை ஏற்றம் ஏற்றம் இதயம் தன்னில் !
நீ கால் முளைத்த புஷ்பம் !
கடல் நுரையில் செய்த சிற்பம் !
உன் முன்பு வந்து நின்றால்
அந்த சொர்க்கம் கூட அற்பம் !
--

போ நீ போ !

இதுவரை உன்னுடன் வாழ்ந்த என் நாட்கள்
மறுமுறை வாழ்ந்திட வழி இல்லையா..?
இருளிலே தேடிய தேடல்கள் எல்லாம்
விடியலை காணவும் விதி இல்லையா..?
--
என் காதல் புரியலையா  உன் நஷ்டம் அன்பே போ !
என் கனவு கலைந்தாலும் நீ இருந்தாய் அன்பே போ !
நீ தொட்ட இடமெல்லாம் எரிகிறது அன்பே போ !
நான் போகும் நிமிடங்கள் உனக்காகும் அன்பே போ !

மலர் !

மலர் என்ற
பெயருக்கு
அர்த்தம் புரிந்தது
என்
தோட்டத்து
பூக்கள்
உன் கை சேர்ந்து
இன்னொர்முறை
அழகாக
மலர்ந்தபோது !

-- விஜய் ஆனந்த்
 

மழையாய் வந்தாளே !

துளி துளி துளி மழையாய் வந்தாளே !
சுடச் சுட சுட மறைந்தே போனாளே !
--
பார்த்தால் பார்க்க தோன்றும் !
பேரை கேக்க தோன்றும் !
பூ போல் சிரிக்கும் போது
காற்றாய் பறந்திட தோன்றும் !
--
செல் செல் அவளுடன் செல்
என்றே கால்கள் சொல்லுதடா !
சொல் சொல் அவளுடன் சொல்
என்றே நெஞ்சம் கொல்லுதடா !
அழகாய் மனதை பறித்து விட்டாளே !
--
துளி துளி துளி மழையாய் வந்தாளே !
சுடச் சுட சுட மறைந்தே போனாளே !
--
தேவதை அவள் ஒரு தேவதை
அழகிய பூ முகம் காணவே ஆயுள் தான் போதுமோ ?
காற்றிலே அவளது வாசனை
அவளிடம் யோசனை கேட்டு தான் பூக்களும் பூக்குமோ ?
--
நெற்றி மேலே ஓற்றை முடி ஆடும் போது
நெஞ்சுகுள்ள மின்னல் பூக்கும் ! பார்வை ஆளை தூக்கும் !!
கன்னம் பார்த்தால் முத்தங்களால்  தீண்டத்தூண்டும் !
பாதம் ரெண்டும் பார்க்கும் போது கொலுசாய் மாறத்தோன்றும் !
அழகாய் மனதை பறித்து விட்டாளே !
செல் செல் அவளுடன் செல்
என்றே கால்கள் சொல்லுதடா !
சொல் சொல் அவளுடன் சொல்
என்றே நெஞ்சம் கொல்லுதடா !
--
சாலையில் அழகிய மாலையில்
அவளுடன் போகவே ஏங்குவேன் ! தோள்களில் சாயுவேன் !
பூமியில் விழுகிற வேளையில்
நிழலையும் ஓடி போய் ஏந்துவேன் ! நெஞ்சிலே தாங்குவேன் !!
காணும் போதே கண்ணால் என்னை கட்டி போட்டாள் !
காயம் இன்றி வெட்டி போட்டாள் !!
 உயிரை ஏதோ செய்தாள் !
மவுனமாக உள்ளுக்குள்ளே பேசும் போதும்
அங்கே வந்து ஒட்டுக் கேட்டாள் !
கனவில் கூச்சல் போட்டாள் !

அழகாய் மனதை பறித்து விட்டாளே !
செல் செல் அவளுடன் செல்
என்றே கால்கள் சொல்லுதடா !
சொல் சொல் அவளுடன் சொல்
என்றே நெஞ்சம் கொல்லுதடா !

துளி துளி துளி மழையாய் வந்தாளே !
சுடச் சுட சுட மறைந்தே போனாளே !

துளி துளி துளி மழையாய் வந்தாளே !
சுடச் சுட சுட மறைந்தே போனாளே…!!!

பதில் தெரியா கேள்விகள்

 கண்கள் மூடி
கன்னத்தில் கை வைத்து
தலை சாய்த்து
கீழ் உதட்டை பிதுக்கி
தோள்கள் குலுக்கி
புன்னகை உதிர்த்து
"தெரியாது"  என்று நீ
சொல்லும் அழகாய் ரசிப்பதற்காக
தினமும் உன்னிடம் கேட்கிறேன் உனக்கு
பதில் தெரியாத கேள்விகளை !

-- விஜய் ஆனந்த்

காலதேவதை !

நீ கடந்து போன அதிர்ச்சியில் இறந்தகாலம் !
நீ இருக்கும் மகிழ்ச்சியில் நிகழ்காலம் !
நீ வருவாய் என காத்திருப்பில் எதிர்காலம் !
இப்படி
முக்காலமும் ஆளும் காலதேவதை நீ !

-- விஜய் ஆனந்த்
 

நிலாப் பெண் !

உன்னைக் காணாத
மேகம்
கதறி அழுததோ?
--பெருமழை
*
உன் கால் பட்ட
பூமி
சிலிர்த்துத் துடித்ததோ?
--பூகம்பம்
*
உன் முகம் பார்த்த
நிலவு
முழுமையானதோ?
--பௌர்ணமி
*
உன்னைத் தீண்டிய
காற்று
மென்மையானதோ?
--தென்றல் காற்று
*
--விஜய் ஆனந்த்